Biznesmeni shqiptar Elton Ilirjani i cili jeton prej disa kohësh në Shtetet e Bashkuara të Amerikës ka reaguar për lajmin e bujshëm të arrestimit të këngëtares Elsa Lila.
Ai shprehet se artistja nuk ka turpëruar vetëm veten, por të gjithë shqiptarët e suksesshëm nëpër botë.
Gjithashtu, Ilirjani i bën thirrje televizionit kombëtar shqiptar RTSH-së dhe institucioneve përgjegjëse t’i heqin menjëherë çmimet e dhëna në festivalin e Këngës.
“Meqë kjo artistja Elsa Lila nuk është se turpëroi vetëm veten e saj, por gjithë ata shqiptarë të sukseshëm nëpër botë, autoritetet shqiptare të artit RTSH dhe institucione të tjera përgjegjëse duhet t’i heqin menjëherë çmimet e dhëna në festivalin e këngës në RTSH!
Kjo praktikë distancimi ndiqet rregullisht nga institucionet ndërkombëtare të artit botëror. Kuptohet, nëse në Shqipëri kjo gje shihet si problem madhor për shëndetin e të rinjve“, shkruan biznesmeni në Instagram.
Madje ai e shprehu hapur se nuk e ka pëlqyer kurrë këngëtaren e njohur shqiptare. ‘’Asnjëherë nuk e kam pëlqyer as si artiste, as si person. Në Shqipëri nuk ka artista! Artistat mbrojnë kauza! Artistat mbrojnë liri’’, ka shkruar ai.
