Deputetja e Partisë Demokratike Jorida Tabaku e cila është njëkohësisht dhe kryetarja e Komisionit Hetimor parlamentar për inceneratorët, i ka cilësuar si të pamjaftueshme urdhër-arrestet e lëshuara sot nga SPAK për inceneratorin e Fierit.
Ajo gjithashtu ka bërë thirrje që të vihet në pranga edhe kryebashkiaku i Fierit Armando Subashi.
“Pra përgjegjësitë e këtyre individëve nuk janë të ndara. Në inceneratorin e Fierit që të jetë e plotë me përgjegjësi të plotë duhet njëkohësisht dhe sipas kallëzimit që PD ka bërë të vazhdohet dhe me shtetasin Armando Subashi”, deklaroi Tabaku.
