SPAK kërkon arrestimin e Alqi Bllakos, vjen reagimi i parë nga Kuvendi

Prokuroria e Posaçme i kërkoi sot Kuvendit autorizim për arrestimin e deputetit Alqi Bllako.

Ai dyshohet se ka falsifikuar dokumentet për shpronësimin e tokës ku është ndërtuar inceneratori i Fierit.

Ndërkohë, Kuvendi ka njoftuar se ditën e nesërme do të zhvillohet mbledhja e Këshillit për Rregulloren, Mandatet dhe Imunitetin të Kuvendit, ku do të shqyrtohet kërkesa e SPAK.

“Ju njoftoj se nesër, më datë 30.03.2022, ora 18:00, në Kryesinë e Kuvendit, nën drejtimin e Kryetares së Kuvendit, znj. Lindita Nikolla, do të zhvillohet mbledhja e Këshillit për Rregulloren, Mandatet dhe Imunitetin të Kuvendit, për shqyrtimin e kërkesës së ardhur nga SPAK për dhënien e autorizimit për arrestimin e deputetit Alqi Bllako. (Urdhër nr. 22, datë 29.03.2022, i Kryetares së Kuvendit, znj. Lindita Nikolla”, thuhet në njoftimin zyrtar.

Prokuroria e posaçme kërkon arrestimin e deputetit socialist Alqi Bllako me dyshimin se ka marrë në formë ryshfeti 150 milionë lekë për ndërtimin e inceneratorit të Fierit. Sipas hetimeve këtë shumë parash, deputetit socialist e ka marrë nga kompania “Integrated Technology Ëaste Treatment Fier” sh.p.k. duke paguar fiktivishit babain e tij Edmond Bllako, që rezulton i punësuar në Inceneratorin e Tiranës.

SPAK akuzon gjithashtu Bllakon se ka falsifikuar dokumentat për inceneratorin e Fierit në kohën kur mbante detyrën e Sekretarit të Përgjithshëm në Ministrinë e Mjedisit në bashkëpunim me ish-ministrin, Lefter Koka dhe kryetarin e komisionit të shpronësimeve Pëllumb Abeshi.