Rikthehen protestat për rritjen e çmimeve, qytetarët mblidhen para godinës së Kryeministrisë

Rikthehen protestat kundër rritjes së çmimit të naftës dhe produkteve ushqimore në vend.

Qytetarët janë mbledhur para godinës së Kryeministrisë dhe paralajmërojnë se do të gjenden çdo ditë në shesh deri në momentin që kërkesat e tyre të plotësohen.

Ata thonë se kushtet janë të pandryshuara nga protestat e mëparshme.

Një vajzë tregon se po mobilizohen sërish.

“Po rimobiliziohemi sërish, me të njëjtat kërkesa, çmimet po ndryshojnë çdo ditë. Sa i përket çmimeve të ushqimeve po rriten çdo ditë. Jemi në të njëjtën situatë si më parë. Çmimi i naftës ra, pastaj u rrit sërish. Javën e fundit ka shkuar në rritje. Protesta ka një impakt shumë të madh.”- tha një vazjë në protestë.

Sa i përket pjesëmarrjes së ulët para kryeministrisë, e reja tha se se numri i qytetarëve të pranishëm do të rritet në vijim.

“Në vijim do të ringrihemi sërish siç kemi qenë më parë.”- tha ajo.

Kujtojmë se rreth një muaj më parë qytetarët u ngritën në protestë kur çmimi i naftës kapi shifrën 270 lekë/litër. Gjithashtu edhe çmimi i ushqimeve u rrit duke bërë që qytetarët, mes tyre edhe studentë të cilët bojkotuan mësimin të bllokojnë rrugët e gjithë vendit.

Qeveria ngriti një bord për çmimet ndërsa duket se asgjë nuk është në favor të qytetarëve pasi çmimet po rriten çdo ditë.