Policia zbulon “shtëpinë e barit” në Tiranë, arrestohet 31-vjeçari që kujdesej për kultivimin

Mbrëmjen e sotme është zbuluar një tjetër “shtëpi bari” në Tiranë.

Burime  bëjnë me dije se ajo u gjet në zonën e Qesarakës në kryeqytet.

Policia zbuloi disa kubikë me lëndë narkotike.

Pritet që uniformat blu të dalin me një njoftim zyrtar në orët në vijim.

Si rezultat është arrestuar një 31 vjeçar i cili kujdesej për lëndën narkotike.

Nuk është hera e parë, pasi pak javë më parë një tjetër banesë e përshtatur për kultivim narkotikësh u zbulua pranë ish-parkut të autobuzave ku u arrestua nipi i Emiljano Shullazit.