Plani nuk iu shkoi siç duhet/ Arrestohen dy vëllezër në Tiranë. Tentuan të ekzekutojnë një 45-vjeçar

Arrestohen dy vëllezër në Tiranë, pasi kanë tentuar të vrasin një person.

Mësohet se bëhet fjalë për shtetasit Anxhelo Dashi, 23 vjeç dhe Endrit Dashi, 26 vjeç, vëllezër, banues në Selitë.

“Këta dy shtetas, gjatë një konflikti në rrugën “Prokop Mima”, kanë tentuar të vrasin me mjet prerës shtetasin Vladimir Mersini, 45 vjeç, banues në Selitë”, tha policia.

Mësohet se sherri ka nisur për motive të dobëta dhe ka degraduar deri në përdorimin e armës të ftohtë.

NJOFTIMI ZYRTAR I POLICISE

Tentuan të vrisnin me mjet prerës një 45-vjeçar, vihen në pranga dy vëllezër.

Specialistët për Hetimin e Krimeve në Komisariatin e Policisë Nr. 2 bënë arrestimin në flagrancë të shtetasve:

– A. D., 23 vjeç dhe E. D., 26 vjeç, (vëllezër), banues në Selitë, për veprat penale “Vrasja me dashje”, e kryer në bashkëpunim mbetur në tentativë dhe “Prodhimi, mbajtja, blerja, apo shitja pa leje e armëve të ftohta”.

Këta dy shtetas, gjatë një konflikti për motive të dobëta, në rrugën “Prokop Mima”, kanë tentuar të vrasin me mjet prerës shtetasin V. M., 45 vjeç, banues në Selitë.

Në cilësinë e provës materiale u sekuestrua mjeti prerës (thika).

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.