“Në këto momente po përcaktohet fati i Ukrainës” Presidenti Zelensky i drejtohet Kongresit amerikan

Presidenti i Ukrainës Volodymyr Zelensky ka deklaruar para Kongresit amerikan se fati i vendit të tij po vendoset në këto momente.

“Kievi është çdo ditë nën sulmet ajrore nga trupat ruse. Por, nuk dorëzohet. Jemi në luftën më të ashpër që nga Lufta e Dytë Botërore. Kemi 8 vite që i rezistojmë agresionit rus. Po japim djemtë dhe vajzat më të mirë për të ndalur këtë pushtim nga ana e Rusisë”, u shpreh ai.

“Në këto momente, po përcaktohet fati i vendit tonë. Po vendoset nëse ukrainasit do të jenë të lirë, nëse do të jenë të aftë për të ruajtur demokracinë. Rusia nuk na ka sulmuar vetëm ne, jo vetëm tokën tonë, jo vetëm qytetet tona, por edhe vlerat tona njerëzore”, shtoi Zelensky.