Mungesë gruri në treg gjatë këtij viti? Ja çfarë thotë ministrja e Bujqësisë

Gjatë një komunikimi me gazetarët këtë mbrëmje, ministrja e Bujqësisë dhe Zhvillimit Rural, Frida Krifca, deklaroi se qeveria është duke parë situatën në treg për sa i përket mallrave bazë.

Për sa i përket furnizimit me grurë dhe drithëra, ministrja situata është e qëndrueshme.

“Ashtu siç mundësuam çlirimin e tregut për grurin me Serbinë, në këtë mënyrë do vijojmë edhe bashkëpunimin me vendet e tjera. Jemi duke komunikuar me aktorët e tregut për të kuptuar nevojat. Duke qenë në partneritet me importuesit dhe tregrtarët do kemi mundësinë për të parë nevojat për të ndërhyrë për tregjet e tjera.

Ne marrim direktiva çfarë po ndodh me tregjet, me nevojat aktuale dhe me parashikimin e prodhimit. Për sa i përket grurit dhe drithit parashikimet janë shumë optimiste për këtë vit për të ndenjur në përputhje me nevojat që ky vit ka për sa i përket konsumit”, tha Krifca.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern