LIGJET E BIZNESIT
Kuvendi mori sot një kërkesë nga SPAK për të arrestuar deputetin e Partisë Socialiste Alqi Bllako, duke sjellë kështu një lajm të bujshëm në rradhët e politikës në vend.
Bllako akuzohet si i përfshirë në aferën e inceneratorëve të Fierit dhe të Elbasanit.
Mësohet se ditën e nesërme, 30 mars, pritet të mblidhet Këshilli i Mandateve, që do të shqyrtojë kërkesën e SPAK lidhur me mandatin e deputetit të Alqi Bllakos.
Nëse Kuvendi i heq mandatin e deputetit Bllakos dhe e vendos në dispozicion të drejtësisë, atëherë mandati i tij i kalon Pandeli Majkos, i cili ishte i 19-ti në listën e Tiranës në zgjedhjet e 25 prillit.
