Eksperti i Ekonomisë, Pano Soko ka ndarë me publikun zhvillimet e fundit që po ndodhin në Drejtorinë e Doganave, saktësisht në kursin e këmbimit. Ai ka ndarë një foto në të cilën shihen tre ndryshime. Soko thotë se pavarësisht se kursi i këmbimit në doganë caktohet një herë në muaj, çdo datë 6 sipas kursit të datës së fundit të muajit paraardhës, në muajin Mars e kanë ndërruar me urdhër nga lart.
‘Sa më i lartë kursi i këmbimit, aq më e lartë vlera e TVSH dhe Taksave në doganë. Shteti merr më shumë taksa, çmimi i mallit rritet më shumë…çmim që natyriaht në fund e paguajmë ne‘- shkruan ai ndër të tjera.
Soko thotë se shteti nuk pyet as për krizë, duke ironizuar deklaratën e ministres së financave Delina Ibrahimajt e cila një ditë më parë u shpreh se një qytetar që të mos quhet i varfër duhet të ketë 140 euro në muaj.
POSTIMI I PLOTË:
Është lëshuar shteti me kokë për të bërë lekë. Drejtoria e Doganave, pavarësisht se kursi i këmbimit në doganë caktohet një herë në muaj, çdo datë 6 sipas kursit të datës së fundit të muajit paraardhës, këtë muaj e kanë ndërruar me urdhër nga lart. Dhe ndersa USD në fund të muajit Shkurt ishte 108 Lek, sot është 111 Lek, dogana e llogarit për efekt të llogaritjes së detyrimeve doganore me 115 Lek. Ça ndodh? Sa më i lartë kursi i këmbimit, aq më e lartë vlera e TVSH dhe Taksave në doganë. Shteti merr më shumë taksa, çmimi i mallit rritet më shumë…çmim që natyriaht në fund e paguajmë ne. Pra s’na mjafton që na rriten çmimet nga kriza, po na dhe dogana i jep një dorë dhe ajo, që të bëj dhe ajo një dorë lekë me taksat të shtuara nga kursi i këmbimit. Është lëshuar shteti si i babëzitur për lekë. Nuk pyesin a është krizë, a s’është krizë, a rrojnë dot njerëzit, a s’rrojnë. Merri rripju lëkurën njerëzve. Dhe del ajo tyryfyçka e Financave dhe thotë “Ata me 140 € s’quhen të varfër”. Po jeto një herë ti me 340€, (jo me 140, po me 340€) dhe të shohësh je i varfër apo jo. Këta janë të gjithë mostra, mostra..
LIGJET E BIZNESIT
