Këshilli i Ministrave: E marta festa e Nevruzit, edhe dita e hënë pushim zyrtar

Në mbledhjen e Këshillit të Ministrave është marrë vendimi që dita e hënë 21 mars, do të bëhet pushim zyrtar për administratën shtetërore.

Kjo për vetë faktin se 22 marsi, dita e martë do të jetë pushim pasi është festa e Sulltan Nevruzit. Përkatësisht është mësuar se ky vendim u mor me arsyetimin e vetëm të kursimit të energjisë.

Pra administrata do të ketë katër ditë pushim, nga e shtuna deri në të martën. Në vendim theksohej se kjo do të zëvendësohet në një nga ditët e pushimit brenda po këtij viti.

Arsyeja për këtë vendim mësohet se ka të bëjë me kursimin e energjisë.