Jo vetëm Elsa Lila/ Ja cilët janë tre artistët shqiptarë që bënë burg për trafik d roge në Itali dhe Greqi

Ditën e sotme mediat italiane raportuan se këngëtarja shqiptare Elsa Lila është arrestuar në shtetin fqinj me akuzën e trafikut të drogës.

Ajo dyshohet se ishte pjesë e një grupi të strukturuar kriminal.

Por Elsa nuk është e vetmja artiste me famë në Shqipëri që ka rënë në pranga për trafik lëndësh narkotike.

Me po të njëjtën akuzë janë arrestuar edhe këngëtarja e njohur Liljana Kondakçi, aktori i  ndjerë Koço Devole dhe aktori Viktor Zhusti.

Liljana Kondakçi u arrestua në Greqi për llogari të shtetit Italian. E cilësuar si Mina e Shqipërisë, Kondakçi u arrestua në Selanik në vitin 2010, pas një urdhër-arresti ndërkombëtar dhe u ekstradua më pas në Itali. Mediat në shtetin fqinj shkruajnë se Kondakçiu bënte trafik droge, pasi u shpëtonte kontrolleve policore, duke shfrytëzuar reputacionin e saj si këngëtare. Sipas medias italiane, këngëtarja shqiptare nisi problemet me drejtësinë italiane në verën e vitit 2006, kur u ndalua në stacionin hekurudhor të Sibarit, teksa transportonte tre kilogramë heroinë. Sipas medias italiane, Kondakçi njihej ndryshe me emrin e koduar “mamaja”, siç thirrej nga banda, e cila dyshohej se përbëhej nga 20 anëtarë. Në janar 2013 ajo u lirua nga burgu dhe u riatdhesua në Shqipëri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndërkohë Koço Devole u kap me drogë po ashtu në valixhe në Itali, në vitin 2002. Ai u prangos vërtetë bashkë me tre persona të tjerë nga Shqipëria të cilët dyshohen si trafikantë drroge. Arrestimi u krye në atë kohë nga policia Italiane në Bari. Aktori Koco Devole mësohet ti ketë thënë hetuesve italianë se nuk ka lidhje me bashkëatdhetarët e kapur me drogën dhe se ndodhej rastësisht në makinën e tyre. Devole qëndroi shtatë muaj e gjysmë në burg, përpara se të lirohej.

Aktori Viktor Zhusti u arrestua në Greqi më 1998, po ashtu për lëndë narkotike. Mediat e atëhershme e komentuan me të madhe arrestimin e Viktor Zhustit, i cili u kap me 11 kilogramë heroinë. Ai u dënua me 18 vite burg, dënim të cilin e kreu në burgun “Hanja”.