I rrahur dhe me shenja në fytyrë, kuzhinieri i njohur përfundon në spital

Kuzhinieri i njohur Indrit Çela ka përfunduar në spitalin e Fushë-Krujës mbrëmjen e së shtunës. Sipas raportimeve në media thuhet se Çela është dhunuar nga persona të panjohur dhe më pas është lënë në rrugë.

Kuzhinieri ishtë duke udhëtuar me makinën e tij tip Smart me targa AA 062 RL, teksa dy persona e kanë nxjerrë me forcë dhe e kanë dhunuar e më pas kanë lënë në rrugë.

Dëshmitarët që kanë parë ngjarjen kanë njoftuar menjëherë ambulancën dhe policinë. Mësohet se kuzhinieri i njohur ka marrë disa plagë në kokë dhe në fytyrë. Mirëpo ai në polici ka deklaruar se është përplasur nga një makinë, e cila pas aksidentit është larguar.