Gazetari e ka një emër: Ky është i vetmi demokrat që mund të mbajë PD e bashkuar

Gazetari Neritan Sejamini ka komentuar zhvillimet në Partinë Demokratike.

Ai foli edhe për ultimatumin që deputetja e djathtë Grida Duma i dha liderit Lulzim Basha për tu tërhequr nga drejtimi i partisë.

Sejamini shprehet se këto zhvillime në PD janë kosto e një veprimi të munguar nga ana  e Bashës, i cili duhet të kishte dhënë dorëheqje që pas humbjes së zgjedhjeve në 25 prill.

Sipas tij, Berisha do të vijë në krye të partisë pasi është i vetmi që mund ta mbajë partinë të bashkuar.

“Të gjitha zhvillimet në PD janë kostoja e mungesës së lidershipit dhe mungesës së vendimeve të mara pas humbjes së zgjedhjeve në 25 prill. Nëse Luzlim Basha do të kishte dhënë dorëheqjen dhe deputetët e PD-së do i kishin kërkuar dorëheqjen të gjitha këto zhvillime dhe kosto nuk do të kishin ndodhur. Dhe janë kosto shumë të mëdha këto për opozitën jo vetëm përçarja dhe rezultati zgjedhor por edhe te imazhi i opozitës që ka pësuar një goditje shumë të rëndë në publik.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Dhe janë kosto vetëm për një veprim të munguar, do të ishte veprim prej udhëheqësi i Lulzim Bashës nëse do të kishte dhënë dorëheqje dhe i pjesësë tjetër që nuk u treguan udhëheqës që ti thonin stop duhet të vijë dikush tjetër në krye të partisë.

Tani në vend të ecim para, do të bëjmë një hap prapa, pasi zoti Berisha do të vijë në krye të partisë pasi është i vetmi që mund ta mbajë partinë të bashkuar. Të gjitha këto janë humbje kohe dhe është herët të thuash që PD-ja është bërë parti demokratike”, u shpreh Sejamini në një intervistë televizive.