E nxjerrin me forcë dhe e godasin me lëvë hekuri, momenti i dhunimit të Indrit Çelës

Kuzhinieri Indrit Çela ka qenë duke udhëtuar pranë Urës së Gjolës, kur dy persona janë afruar drejt tij për ta dhunuar. Fillimisht 39-vjeçari është nxjerr me forcë nga makina nga një i ri, teksa një tjetër e godiste me levë hekuri.

Në video shfaqet momenti kur Çela dhunohet edhe në rrugë nga persona të panjohur. I menjëhershëm ka qenë dhe reagimi i qytetarëve të cilët kanë ndërhyrë për të qetësuar situatën.

Kuzhinieri dyshohet se ka qenë i shoqëruar, teksa në Polici nuk ka pranuar se është dhunuar. Ai është dërguar me plag të rënda në trup dhe fytyrë dhe autoritetet kanë nisur hetimet e mëtejshme.