Kryeministri Edi Rama foli me nota ironie rreth akuzave që janë hedhur në drejtim të qeverisë për koncertin që organizoi dje në Tiranë këngëtari me famë botërore, Maluma.
Ai deklaroi se mendoi që Maluma ishte emër ministri.
Duke komentuar edhe një herë koncertin e këngëtarit latin Maluma, Rama tha se nuk e kishte idenë se kush ishte ai, duke pyetur nëse ishte burrë apo grua. Mbi të gjitha Rama shtoi se mendoi se Maluma ishte ndonjë epitet për ndonjë ministër.
“Se mu qepën për Malumën mua, unë se dija kush ishte, unë thash do jetë epitet që ia kanë ngjitur ministrit. Burrë apo grua është, burrë, ndërkohë që koncerti i Malumës nëse mendohet se e kemi bërë ne, në atë koncert s’kemi dhënë ndonjë qindarkë.”- tha Rama.
