“Babai më thotë se nëse diçka nuk është e jotja, nuk është e jotja”/ Shqiptari bën gjestin e madh në SHBA, gjen portofolin e aktores dhe e…

Gazetari i CNN, Bill Weir ka treguar një rast shumë të bukur ku një i ri nga Kosova, i cili jeton në Shtetet e Bashkuara të Amerikës ka gjetur portofolin e aktores së famshme Meryl Streep me 2 mijë dollarë brenda.

“Një djalë i sjellshëm nga Kosova, që punon në ndërtesën time, ka gjetur një natë, një portofol në rrugë me 2 mijë dollarë brenda. Kontrolloi kartën e identitetit, ishte Meryl Streep”, ka shkruar Weir.

“Babai gjithmonë më thotë se nëse diçka që nuk është e jotja, nuk është e jotja”, ka thënë i riu nga Kosova kur ka biseduar me gazetarin e CNN.

Pasi ka marrë portofolin dhe kartën e identitetit, aktorja Meryl Streep ka insistuar për ta shpërblyer të riun në këmbim të gjestit të tij, por ai nuk ka pranuar. “Ai refuzoi shpërblimin, derisa Meryl insistoi. Njerëz të mirë”, ka shkruar në fund ai.