Aksidenti i rëndë në Teksas, 9 persona mbetën të vd ekur

Një 13-vjeçar po ngiste një kamionçinë dhe u përplas me një furgon i cili transportonte anëtarët e ekipit të golfit të një univeriteti të New Mexico. 9 persona mbetën të vdekur nga aksidenti në Teksasin Perëndimor të martën mbrëma.

Sipas Today, zëvendës Kryetari i Bordit Kombëtar të Sigurisë së Transportit, Bruce Landsberg u shpreh se sipas një hetimi është zbuluar se kamioni kishte një rrotë rezervë në vend të gomës së majtë të përparme dhe gjithashtu është zbuluar se kamioni ka hyrë në drejtim të kundërt të qarkullimit dhe është përplasur me furgonin.

2 personat të cilët ndodheshin në kamion, një 38-vjeçar dhe 13-vjeçari që ishte në timon kanë gjetur vdekjen e menjëhershme.

“Një fëmijë 13-vjeçar ishte pas timonit të kamionçinës,”-tha Landsberg në një konferencë për shtyp të enjten.

Departamenti i Sigurisë Publike në Teksas identifikoi viktimat të mërkurën si Tyler James, 26 vjeç; Mauricio Sanchez, 19 vjeç; Travis Garcia, 19 vjeç; Jackson Zinn, 22 vjeç; Karisa Raines, 21 vjeç; Laci Stone, 18 vjeç; dhe Tiago Sousa, 18 vjeç. Dayton Price, 19 vjeç dhe Hayden Underhill, 20, janë në gjendje kritike.