Shqiptarë e italianë përfshihen në një sherr të dh unshëm, policia merr vendimin për lokalin

Disa shqiptarë dhe italianë janë përfshirë në një konflikt të dhunshëm në ambientet e brendshme të një lokali. Autoritetet urdhëruan mbylljen e lokalit për 10 ditë. Në konflikt u përfshinë të paktën 7 persona, shqiptarë dhe italianë, disa prej të cilëve me precedentë kriminalë.

Si pasojë e konfliktit një nga personat ka përfunduar në spital. Policia gjeti në vendngjarje karrige dhe tavolina të thyera.  Ngjarja ka ndodhur në ambientet e brendshme të lokalit “Le Monelle” në Busto Arsizio, mbrëmjen e 6 shkurtit.

Sapo mbërriti në ambientet e lokalit, agjentët e komisariatit të Busto-s, së bashku me patrullat e karabinierëve dhe Guardia di Finanza-s që nxituan në ndihmë, kishin luftuar për të ndarë sherrxhinjtë, të cilët pavarësisht mbërritjes së makinave të policisë vazhduan të përballen me njëri-tjetrin duke rrahur dhe kërcënuar njëri-tjetrin.

Të 7 personat u kallzuan për përleshje të rëndë.  Duke marrë parasysh peshën e asaj që ndodhi dhe duke parë që në të kaluarën disa klientë të restorantit kishin pësuar sulme dhe kërcënime, kuestori i Varese-s, Michele Morelli urdhëroi mbylljen e këtij lokali për dhjetë ditë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern