“Mision për t’i prerë ‘kokat’ qeverisë”, Mbi 400 mercenarë rusë janë urdhëruar të v rasin presidentin Zelensky

Më shumë se 400 mercenarë rusë po veprojnë në Kiev me urdhra të forta nga Kremlini për të vrarë presidentin Volodymyr Zelensky dhe qeverinë e tij, ku do të përgatitet më pas terreni që Moska të marrë kontrollin”. Kështu raporton The Times.

Grupi i njohur ‘Wagner’, një milici private e drejtuar nga një prej aleatëve më të ngushtë të Presidentit Putin dhe që vepron si një degë e shtetit, fluturoi me mercenarë nga Afrika pesë javë më parë në një mision për të prerë ‘kokën’ e qeverisë së Zelenskyt në këmbim të një bonusi financiar.

Informacioni lidhur me misionin e tyre arriti në qeverinë ukrainase të shtunën në mëngjes dhe disa orë më vonë Kievi shpalli një shtetrrethim 36-orësh “të vështirë” për të fshirë qytetin nga diversantët rusë, duke paralajmëruar kështu civilët se ata do të shiheshin si agjentë të Kremlinit dhe rrezikonin të “likuidoheshin” nëse dilnin jashtë.