Qytetari ukrainas del para tankut rus, ulet në gjunjë para mjetit për të ndaluar përparimin tij /VIDEO/

Prej 5 ditësh Ukraina po përballet me gjithë forcën e saj me Rusinë. Në mediat sociale kemi parë shpesh këto ditë se si ushtarët ukrainas janë të vendosur që të rezistojnë deri në fund, por që në ndihmë u kanë ardhur edhe qytetarë që kanë dalë në luftë vullnetarisht.

Së fundmi në rrjetet sociale qarkullon një video ku shihet një qytetar teksa përpiqet të ndalojë me trupin e tij një tank rus që të futet në Bakhmach.

I dëshpëruar qytetari del para tankut ngjitet në të dhe më pas bie në gjunjë përpara mjetit luftarak për të ndaluar përparimin e tij.

Fatmirësisht ushtari në tank ka ndaluar dhe nuk është shënuar dhe një tjetër viktimë nga ana civile në Ukrainë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern