I gjuajnë me shqelma derës, punonjësit e IKMT-së dhe Policia hyjnë me dhunë në një  banesë te 5 Maji 

Vijojnë të bëhen publike pamjet nga dhuna policore ndaj banorëve të zonës së 5 Majit në kryeqytet.

Mediat kanë siguruar pamjet se si një punonjës i IKMT-së dhe policia, kanë shembur në tokë derën e një prej banesave, për të hyrë në brendësi të saj.

4 anëtarë të familjes tentuan që të ngujoheshin në shtëpi, por janë nxjerë me dhunë prej aty. Pronarët e 3 prej godinave që janë shembur sot, nuk kanë arritur një marrëveshje me Bashkinë e Tiranës.