Policia amerikane ka arrestuar një vrasës serial, mbi të cilin rëndojnë disa krime. 35-vjeçari Anthony Robinson ka përfudnuar në prangat e policisë pas një hetimi intensiv dhe dy provave thelbësore që çuan në zbulimin e tij.
Nëpërmjet pamjeve të një kamere sigurie dhe tabulatet telefonike 35-vjeçari, që autoritetet për arsye hetimore e quanin “vrasësi me karrocë marketi”, dyshohet për të paktën katër vrasje në të gjithë Virxhinian, teksa numri i viktimave mund të shtohet.
Anthony Robinsoni i kontaktonte viktimat në rrjetet sociale dhe pasi shkonin në motel i torturonte dhe i vriste. Kevin Davis, shefi i policisë së qarkut, tha në konferencën për shtyp se vrasësi përdorte një karrocë marketi për të groposur trupin e viktimave pasi i gjymtonte ato.
Departamentet e policisë së Harrisonburgut dhe Charlottesvilleit zhvilluan hetime të veçanta për personat e zhdukur. “Ai ka vrarë tashmë katër gra, dhe ne dyshojmë se ka më shumë viktima,” tha shefi Davis.
