Fatkeqësitë natyrore në vendin tonë, vullnetarët do të paguhen

Në Shqipëri, kushdo që do të japë kontributin e tij në rast të ndonjë fatkeqësie natyrore do të paguhet.

Qeveria shqiptare ka publikuar në Fletoren zyrtare vendimin ku shkruhet se vullnetarët që do të angazhohen në operacionet për fatkeqësitë natyrore që do të godasin Shqipërinë, do t’u paguhet fjetja, transporti, ushqimi, trajnimet, madje deri edhe sigurimin e jetës.

Thënë ndryshe, një vullnetar do të paguhet me 2 mijë e 500 lekë të rinj për ushqimin dhe fjetja jo më shumë se 3 mijë lekë nata.

Lajmi u bë publik më herët nga ministri i Brendshëm, Niko Peleshi, i cili theksoi se vendimi ka si qëllim kryesor nxitjen vullnetarizmit.

“Në këtë vendim në i japim mundësi vullnetarëve që të ketë më shumë vëmendje ndaj tyre. Do të trajtohen me transport, ushqim, akomodim dhe pagesë dinjitoze”, tha Peleshi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Vullnetarëve do tu paguhet edhe sigurimi i jetës.

Fondi do të merret nga Buxheti i Shtetit për mbrojtjen civile. E ngarkuar me këtë detyrë do të jetë Agjencia Kombëtare e Mbrojtjes Civile, institucionet, strukturat qendrore si dhe vendore të mbrojtjes civile.