Tiranë/ Shpërthim i fuqishëm në një pallat, dalin detajet e para

Një shpërthim i fuqishëm është shënuar orët e para të mëngjesit të sotëm në Tiranë.

Ngjarja ndodhi në rrugën “Njazi Meka” , në Allias.

Mësohet se bëhet fjalë për një sasi tritoli, të vënë nga persona ende të paidentifikuar në katin e dytë të një pallati të vjetër.

Për pasojë janë shënuar vetëm dëme materiale.

Banorët e pallatit janë zgjuar të panikosur nga shpërthimi që u dëgjua rreth orës 03:30.

Ende nuk dihet se për kë është bërë ky paralajmërim.

Aktualisht policia ka nisur hetimet për zbardhjen e ngjarjes në fjalë.