Talebanët “zbarkojnë” në shtëpitë e qeveritarëve afganë, zbulojnë pasuritë marramendëse

Gjatë një kontrolli të fundit, talebanët kanë sekuestruar miliona dollarë CASH dhe ar në shtëpitë e qeveritarëve afganë.

Banka qendrore e Afganistanit, që kontrollohet nga talebanët, deklaroi se kishte konfiskuar gati 12.4 milionë dollarë CASH dhe ar nga ish-zyrtarët kryesorë të qeverisë, përfshirë ish-nënpresidentin Amrullah Saleh.

Në një deklaratë, institucioni i lartë tha se paratë dhe ari ishin mbajtur në shtëpitë e zyrtarëve, megjithëse nuk dihet ende për çfarë qëllimi.

Në një deklaratë të veçantë, banka u bëri thirrje afganëve të përdorin monedhën afgane vendase. Ajo vjen mes shqetësimeve në rritje se bankave dhe firmave të vendit u mungojnë paratë, veçanërisht dollarët, të cilët përdoren gjerësisht.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern