LIGJET E BIZNESIT
Një skandal në shëndetësi ka ndodhur në Greqi, pasi janë zbuluar raste të vaksinuarish në mënyrë fiktive.
Një punonjëse e një qendre shëndetësore kishte ndërhyrë në sistemin e vaksinimeve dhe kishte regjistruar fiktivisht disa persona sikur kishin marrë të dyja dozat e vaksinës anti-Covid.
Gjithçka filloi të dilte në dritë kur në disa prej dokumenteve të vaksinimit, u vu re se mungonte vulat e pavionit. Dyshimet u shtuan ku punonjësja në fjalë shkonte shumë shpesh edhe pasdite në punë, kur në fakt, turnin e kishte paradite, shkruan dosja. Në sistem janë regjistruar 47 persona si të vaksinuar, kur ndërkohë nuk kanë marrë asnjë dozë.
Për këtë skandal ka reaguar edhe ministri grek i Shëndetësisë, i cili ka kërkuar që të hetohet ky rast dhe mos të ketë tolerime për incidente të tilla. Paraprakisht, dyshohet se punonjësja e kishte bërë këtë gjë pasi personat që kishte regjistreuar si të vaksinuar i kishin kërkuar certifikatë vaksinimi, por nuk donin që të merrnin asnjë dozë. Hetimet vijojnë për të zbuluar nëse punonjësja ka marrë para në këmbim të këtij favori. Për momentin, ajo është pezulluar nga puna.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
