Gazetari i njohur investigativ Artan Hoxha ka folur në lidhje me çmimet e larta të apartamenteve në Shqipëri.
Sipas tij arsyeja e këtyre shifrave stratosferike në krahasim me pagat e ulëta është trafiku dhe prodhimi i lëndëve narkotike në vendin tonë.
“Shkaku kryesor i rritjes së çmimit të apartamenteve në Shqipëri është pikërisht trafiku dhe prodhimi i lëndëve narkotike në vend. Nuk ka kuptim që me nivelin e pagave që vendi ynë ka të kemi çmime kaq të shtrenjta për blerjen e një apartamenti.
Ne kemi dy tregje të trafikut të narkotikëve në Shqipëri, është tregu i jashtëm dhe i brendshëm. I jashtmi merret kryesisht me kokainë dhe ka grupe të fuqishme shqiptarësh që sjellin kokainë nga Amerika Latine dhe gjetkë. Tregu i brendshëm na shfaqet me problematika si rritja e kriminalitetit këtu, etj”, tha Hoxha gjatë fjalës së tij.
