Inskenoi zhdukjen në Pukë, ja si dukej biznesmeni italian që jetonte si rumun

Një ditë pasi u gjet i gjallë, mediat kanë publikuar fotot e biznesmenit italian Davide Pecorelli.

Duket se 45-vjeçari e kishte inskenuar zhdukjen e tij.

Në fotografinë e mëposhtme Pecorelli shfaqet i maskuar me kapuç, syze dhe maskë anti-covid, të gjitha në ngjyrë të zezë, në mënyrë që të mos njihej.

Ky imazh është marrë nga filmimet e kamerave të sigurisë së një ambienti ku ai është parë që qëndronte në një ishull të Italisë.

Pecorelli po fshihej në ishullin e Montecristos, ndërsa e ka zbuluar një incident me varkë, pasi motori i mjetit ishte djegur dhe një person i kishte ardhur në ndihmë biznesmenit.

Ai u identifikua përmes shenjave të gishtërinjve, pasi bazuar në dokumentet e reja që kishte, rezultonte shtetas rumun.