I zhdukur në nëntokë prej 24 orësh/ Ende asnjë shenjë nga minatori që mbeti në galeritë e Bulqizës

Një aksident ka ndodhur në galerinë e një kompanie të vogël private që merret me nxjerrjen e kromit në Bulqizë.

Shembja e galerisë ka bërë që një minator 60 vjeçar të mbetet brenda prej 24 orësh.

Ndërkohë po punohet nga jashtë për të larguar gurë dhe për të hapur kalimin me shpresën se mund të gjendet ende në jetë.

Për 60 vjeçarin Muharrem Plaku, kërkimi ka vijuar gjatë gjithë natës por pa sukses.

Ngjarja e rëndë ka ndodhur që në orën 09:00 të ditës së djeshme kur u shemb masivi i kromit duke bllokuar hyrjen e galerisë. ekipi i Avari Shpëtimit të Minierave, po punon për pastrimin e mineralit të kromit për të bërë të mundur nxjerrjen jashtë të minatorit. Ende nuk dihet gjendja shëndetësore e Muharrem Plakut, i cili punon prej tetë vitesh në këtë subjekt minerar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern