E rëndë/ Doli për të peshkuar në Prespë, 45-vjeçarit i ndodh më e keqja

Një 45-vjeçar raportohet të jetë mbytur në liqenin e Prespës.

Ngjarja u shënua orët e para të mëngjesit të sotëm.

Burime zyrtare nga policia bënë me dije se shtetasi Stavri Vasilovski, 45 vjeç, i cili kishte dalë gjatë mbrëmjes për të peshkuar, si pasojë e dallgëve të forta të liqenit, i është përmbysur varka dhe dyshohet se mund të jetë mbytur.

Është bërë njoftimi dhe pritet ardhja e polumbarëve, për të kryer kërkimet e nevojshme.

Shërbimet e Policisë Kufitare dhe grupi hetimor ndodhen në vendngjarje ku po punohet për sqarimin e plotë të rrethanave të ngjarjes.