LIGJET E BIZNESIT
Ditën e sotme, RENEA ka zbarkuar me helikopter në malet e Pukës ku ka gjetur një sipërfaqe toke të mbjellë me kanabis.
Aksioni antidrogë i koduar “Qafa e Helmit”, është zhvilluar në zonën e fshatit Shkozë, në Njësinë administrative Gjegjan, Pukë, ku kishte të kultivuara bimë narkotike cannabis sativa si dhe fidanë narkotikë në tokë dhe në kubikë.
Pas disa orësh monitorim me helikopter u mundësua identifikimi i vendit ku ishin kultivuar bimët narkotike cannabis sativa, një terren malor i thepisur dhe i pyllëzuar, çka ka vënë në vështirësi dhe rrezik jetën e forcave speciale RENEA. Këto të fundit kanë zbritur me litar nën një zonë mes shkurreve për të shkuar ne vendin ku ishin kultivuar bimët narkotike në tokë dhe në kubikë.
Vijon puna për identifikimin dhe kapjen e personave të përshirë në këtë veprimtarisë kriminale.
Njoftimi i policisë:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Vijojnë kontrollet dhe operacionet për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike.
Finalizohet operacioni policor antidrogë i koduar “Qafa e Helmit”, i drejtuar nga Drejtoria e Përgjithshme e Policisë së Shtetit.
Operacioni në një terren shumë të vështirë në zonën e Gjegjanit të rrethit Pukë.
Në operacion morë pjesë Drejtoria Hetimore në Departamentin e Policisë Kriminale, Forcat Speciale RENEA, Forca e Posaçme Operacionale në Policinë e Shtetit, FNSH dhe DVP Shkodër.
Për gjetjen e vendit të kultivimit forcat speciale RENEA kanë kryer disa orë kontrolle në një zonë malore.
Në vijim të kontrolleve dhe të goditjeve të njëpasnjëshme ndaj veprimtarisë kriminale në fushën e prodhimit dhe shitjes së narkotikëve, bazuar në informacionet e marra në rrugë operative se në vendin e quajtur “Qafa e Helmit”, në zonën e fshatit Shkozë, Njësia administrative Gjegjan, Pukë, Shkodër, kishte të kultivuara bimë narkotike cannabis sativa dhe fidanë narkotikë në tokë dhe në kubikë, është organizuar operacioni policor i koduar “Qafa e Helmit”.
Pas disa orësh monitorim me helikopter u bë i mundur identifikimi i vendit ku ishin kultivuar bimët narkotike cannabis sativa, një terren malor i thepisur dhe i pyllëzuar, çka ka vënë në vështirësi dhe rrezik jetën e forcave speciale RENEA, të cilët kanë zbritur me litar nën një zonë mes shkurreve për të shkuar ne vendin ku ishin kultivuar bimët narkotike në tokë dhe në kubikë.
Nga grupi hetimor vijojnë veprimet e thelluara për identifikimin dhe kapjen e personave të përshirë në këtë veprimtarisë kriminale, si dhe për të vërtetuar nëse ka pasur implikim ose jo nga ana e inspektorëve të Policisë së zonës, pavarësisht terrenit malor të vështirë.
