Moderna: Vaksina ruan 93 për qind të efikasitetit edhe 6 muaj pas dozës së dytë

Prodhuesi amerikan i ilaçeve Moderna njoftoi se vaksina e saj kundër Covid-19 ruan funksionin mbrojtës me 93 përqind gjashtë muaj pas administrimit të të dyja dozave.

“Ne jemi tepër të kënaqur që vaksina jonë kundër COVID-19 ka treguar efikasitet të qëndrueshëm. Megjithatë, jemi të vetëdijshëm se varianti Delta është një kërcënim domethënës. Pra, ne duhet të jemi vigjilentë”, u shpreh në një deklaratë shefi ekzekutiv i kompanisë, Stephane Bancel.

Bancel u shpreh se vaksina e tyre ende siguron 93 përqind mbrojtje edhe 6 muaj pas vaksinimit të plotë.

Prodhuesi tjetër i vaksinave, Pfizer-BioNTech,njoftoi javën e kaluar, duke thënë se vaksina e saj vazhdon të jetë 91 për qind mbrojtëse gjashtë muaj pas marrjes së dozës së dytë.

Vaksina Moderna u autorizua për përdorim urgjent tek të rriturit në SHBA në dhjetor të vitit 2020 dhe që atëherë ka marrë miratimin e përdorimit urgjent ose të kushtëzuar për të rriturit në më shumë se 50 vende.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern