“Çmendet” moti në Pogradec/ Stuhia me shi dhe erë ndan në dysh pemën në mes të qytetit

Në një kohë që pjesa më e madhe e territorit të Shqipërisë është përfshirë nga temperaturat e larta, së bashku me vatrat aktive të zjarrit, Pogradeci është goditur sot në mbrëmje nga një stuhi e fortë ere.

Për pasojë janë shkaktuar dëme në pemët e parkut të qytetit dhe në Drilon.

Era ka ndarë më dysh një pemë të vjetër, por fatmirësisht pa shkaktuar lëndime në njerëz.

Punonjësit e shërbimeve mjedisore kanë zbritur në terren dhe po punojnë për pastrimin e zonës dhe heqjen e degëve të thyera.

Kujtojmë gjithashtu se pak më herët edhe Kukësi u përfshi nga reshje të forta të shiut dhe një stuhi breshëri, duke bërë të mundur shuarjen e të gjitha vatrave problematike të zjarrit që ishin të aktivizuara që prej të premtes që lamë pas.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern