VIDEO/ Tërmeti tremb pushuesit në Shëngjin, kanë frikë të hyjnë në banesa

Lëkundjet e tërmetit kanë trembur pushues të shumtë në plazhin e Shëngjinit.

Në qytetin e Lezhës janë vënë re qytetarë të cilët kanë dalë jashtë banesave të tyre të trembur duke zgjedhur të qëndrojnë pak kohë jashtë.

Tërmeti ka pasur një magnitudë të shkallë Rihter 3.6 sipas IGJEUM me një thellësi prej 11 km. Epiqendra ka qenë 3 kilometra larg Lezhës, në detin Adriatik.

Fatmirësisht nga tërmeti nuk ka pasur as dëme materiale, por ka zgjuar tek njerëzit frikën e tërmetit të 26 nëntorit  të vitit 2019.