LIGJET E BIZNESIT
Rodrigo Shemsho alias Juxhin Orhan, është arrestuar mbrëmjen e kaluar në Vlorë nga Forcat Shqiponja. Ai konsiderohej person “me rrezikshmëri të lartë shoqërore”.
32-vjeçari ishte shpallur në kërkim, për veprat penale “Vrasje me dashje e mbetur në tentativë” dhe “Prodhim e mbajtje pa leje e armëve, armëve shpërthyese dhe municionit”.
Strukturat e Drejtorisë Vendore të Policisë Vlorë, Forcat e Posaçme “Shqiponja” kanë lokalizuar dhe arrestuar shtetasin Rodrigo Shemsho alias Juxhin Orhan, banues në Vlorë.
“Ky shtetas, më datë 13.12.2020, gjatë një konflikti të çastit, dyshohet se ka tentuar të vrasi me armë zjarri, shtetasin B. A., 38 vjeç, banues në Vlorë. Më parë në lidhje me këtë ngjarje është vënë në pranga nga Policia shtetasi K. M., 47 vjeç, për veprën penale “Moskallzimi i krimit”, njofton Policia.
Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme.
