Skandali i “Pegasus”/ Macron nën përgjim që nga viti 2017

Pas publikimit të skandalit “Pegaus”, shënjestër për hakimin e telefonit mendohet se ka rënë dhe presidenti francez Emmanuel Macron.

Softueri, që njihet si Pegasus, infekton telefonat dhe lejon operatorët të nxjerrin mesazhe, të regjistrojnë thirrje dhe të aktivizojnë fshehurazi mikrofona dhe kamera.

Por nuk dihet nëse softueri është instaluar ndonjëherë në telefonin e presidentit francez.

Më shumë se 600 zyrtarë qeveritarë dhe politikanë nga 34 vende janë në listë, e cila thuhet se përmban 50,000 numra.

Gazeta franceze Le Monde raporton se shërbimet e inteligjencës marokene identifikuan një telefon që Z. Macron kishte përdorur që nga viti 2017.