Si të përgatisni kremin anti-celulit në kushte shtëpie

Në qoftë se doni ta përgatisni trupin tuaj për ditë më të nxehta të stinës së verës, në vijim sjellim një krem interesant anti-celulit që mund ta çojë bukurinë tuaj drejt perfeksionit.

Përbërësit:

¼ filxhani kafeje e bluar trashë

3 lugë kafeje ujë të ngrohtë

2 lugë kafeje vaj ulliri ose vaj bajameje

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Përzieni mirë kafenë me ujin e ngrohtë. Lëreni të pushojë rreth 10 minuta ose derisa kafeja të ketë përthithur ujin dhe të transformohet në një pastë homogjene të trashë. Më pas, shtoni dy lugë vaj ulliri ose vaj bajamesh dhe trazojini mirë.

Pas çdo dushi që të bëni, ndërsa jeni akoma në vaskë, aplikojeni mirë përzierjen në lëkurë. Masazhoni me kujdes kofshët me lëvizje rrethore me pëllëmbët e duarve ose një peshqir dushi për 5 minuta.

Për të shpërlarë lëkurën, ju duhet ujë i vakët dhe më pas aplikoni vaj, qumësht për trupin ose locion. Procedurën përsëriteni dy herë në javë.