Pogradec/ Rrëshqet në tualet, humb jetën 67-vjeçari

Një ngjarje e rëndë ka ndodhur në Pogradec, ku një 67 vjeçar ka humbur jetën si pasojë e rrëzimit në banesën e tij.

Ngjarja ka ndodhur pasditen e sotme në Lagjen numër 4 në qytetin e Pogradecit, ku viktima i identifikuar si Faredin Hoxhalli dyshohet se ka rrëshqitur në banjë dhe ka rënë duke humbur jetën.

Tashmë pritet edhe autopsia mjeko-ligjore për të përcaktuar shkaqet e vdekjes ndërkohë që policia po heton ngjarjen.