Parashikimi i motit për ditën e sotme, e mërkurë 28 korrik 2021

Sipas MeteoAlb, zona Bregdetare dhe e ulët do të jetë në dominimin e motit të kthjellët gjatë gjithë ditës. Zona malore parashikohet të ketë kalime të pakta vranësirash në orët e mesditës dhe pasdites, por nuk do të krijojnë mundësi për reshje.

Temperaturat e ajrit do të rriten ndjeshëm në mëngjes dhe në mesditë duke luhatur vlerat ditore nga 20°C deri në 42°C.

Era do të fryjë e lehtë dhe mesatare me shpejtësi 40 km/h nga drejtimi Veriperëndimor duke krijuar në det dallgëzim mbi 3 ballë.