LIGJET E BIZNESIT
Arbana apo Luana? Dy emrat që kanë qenë më të përfolur për prezantimin e Big Brother VIP nuk janë më dilemë.
“Prive” ka mësuar se moderatorja e këtij programi që pritet të fillojë së shpejti do të jetë Arbana Osmani.
Moderatorja do të rikthehet sërish pas katër vitesh mungesë në krye të “Big Brother”. Këtë vit, formati vjen me një ndryshim tepër themelor: pjesëmarrës do të jenë vetëm personazhe të famshëm shqiptarë, të cilët do të bashkëjetojnë për 100 ditë në kushte të jashtëzakonshme, larg jetës së tyre të përditshme.
“Big Brother Vip” do të zhvillojë edicionin e parë në studion “Nova”, krijuar enkas për spektakle të këtij lloji disa vite më parë.
“Në udhëtimin e tyre banorët do t’u nënshtrohen kushteve të pazakonta, brenda një shtëpie që askush s’e kishte imagjinuar larg komoditeteve të jetës së përditshme”, thuhej në njoftimin e produksionit.
Vetë Arbana nuk ka reaguar ende për këtë konfirmim dhe, me sa duket, siç vepron gjithmonë në raste të tilla, konfirmimi i saj vjen vetëm në çastin e fundit para se të nisë spektakli.
Aktualisht, së bashku me familjen e saj, Arbana po kalon disa ditë pushime në ishujt e Greqisë, prej nga ndan për miqtë virtualë foto dhe video të jashtëzakonshme.
