LIGJET E BIZNESIT
Ka dalë ditën e sotme ekspertiza e aksidentit tragjik i cili u regjistrua para disa ditësh në aksin Fier-Vlorë, ku humbën jetën 4 anëtarët e familjes Gushi. Makina tip “Audi”, e cila përplasi automjetin tip “Toyota” në të cilën ndodheshin 4 anëtarët e familjes Gushi, po lëvizte me shpejtësi 160 km/orë, 50 km më shumë se sa shpejtësia e lejuar, pasi në atë aks, maksimumi i shpejtësisë është 110 km/orë.
Ngjarja e rëndë ndodhi më 25 qershor në aksin Fier-Vlorë, ku humbën jetën tragjikisht Eva Gushi, 9 vjeçe, Anastasia Gushi, 14 vjeçe, Eduart Gushi, 44 vjeç, dhe Silvana Gushi, 33 vjeç, ndërsa i plagosur mbeti edhe drejtuesi i “Audi”, Igli Madani.
Familja Gushi sapo ishte kthyer nga Greqia ndërsa po udhëtonte në jug për pushime. Automjeti i tyre “Toyota” u godit nga makina e të riut Igli Madani. Për shkak të deformimit të pësuar të mjetit “Toyota”, prindërit si dhe dy vajzat e mitura kanë mbetur të bllokuara, aq sa është dashur edhe ndërhyrja e zjarrfikëses dhe përdorimi i gurit freksibël për t’i nxjerrë ata nga aty.
Igli Madani u la në burg pa afat nga gjykata në datën 27 qershor, teksa akuzohet për veprën penale “Shkelja e rregullave të qarkullimit rrugor”, dhe rrezikon dënim nga pesë deri në 20 vite burg.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
