Kujdes kur të notoni! Bregdeti i Durrësit pushtohet nga kandilat e detit

Një numër i madh i kandilave të detit janë parë në plazhin e Durrësit.

Disa pamje të publikuara nga spikerja e Klan News, Eni Mema tregojnë se si rritja e pazakontë e temperaturave javën e fundit ka mbipopulluar bregdetin.

Prekja nga një kandil deti shkakton jo vetëm djegie dhe irritime në lëkurë por ndikon negativisht edhe në organizmin e njeriut. Menjëherë sapo kandili i detit bie në kontakt me trupin e njeriut, ai lëshon gjemba ekstremisht të vegjël brenda në lëkurë, duke injektuar një lëng helmues.