Ishte pronar i një shtëpie bari në Angli, arrestohet reperi i njohur shqiptar që tallej me personazhe publike

Dionis Biba është një nga personazhet më të njohura të rrjeteve sociale pasi përmes videove në Youtube dhe Instagram tallej me personazhe publike.

20-vjeçar, pasi qëndroi disa vitë në Francë, dy vite më parë shkoi në Angli.

Në fotot e publikuara në rrjete sociale, ai shfaqej me makina nga më të shtrenjtat apo duke darkuar në lokale luksoze, përmendim atë të Shard që është një prej kullave më ikonike të Londrës.

Në pamundësi financiare për të jetuar një jetë luksi dhe pa fitime prej muzikës , iu fut rrugës së pasurimit. Këtë gjë, ai mund ta siguronte duke ngritur një shtëpi bari në zonën Coventry.

Mediat angleze shkruajnë se në adresat 4, 6, dhe 8 Ëren Street in Hillfields policia gjeti 4 shtëpi bari. Në njërën prej tyre do të arrestohej edhe i riu Dionis Biba.

Në shtëpinë e barit ku u kap lezhjani Biba u gjetën 210 rrënjë kanabis me një vlerë prej 300.000 stërlinash. Në këto ambjente ishin montuar edhe kamera sigurie.

Mësohet se bashkë me reperin shqiptar u arrestua edhe shqiptari tjetër Ervin Delija, 24 vjec.

Ata u dënuan me nga 15 muaj burg secili dhe do të dëbohen në përfundim të dënimit.

Para disa muajsh, Biba ishte në qendër të një investigimi të Daily Mail pasi u zbulua se ai kishte publikuar video udhëzuese se si mund të hysh ilegalisht nga Spanja për në Angli.