Çfarë ndodhi? Gjendet e pajetë në banesë 35-vjeçarja, shoqërohet në polici e ëma

Një 35 vjeçare është gjetur e pajetë sot në banesën e saj.

Ngjarja e rëndë ka ndodhur në lagjen 18 shtatori në Gjirokastër.

Fillimisht ishin fqinjët që kanë njoftuar policinë pasi nga banesa e familjes në fjalë vinin aroma të rënda.

Menjëherë pas marrjes së njoftimit blutë kanë ndërhyrë në banesën ku e ndjera e cila vuante nga probleme të shëndetit mendor jetonte bashkë me të ëmën. Sipas njoftimit zyrtar, trupi i 35-vjeçares ishte pjesërisht i dekompozuar çka lë të kuptojë se ajo ka humbur jetën disa ditë më parë.

E ëma e cila vuan nga e njëjta diagnozë është shoqëruar për në komisariat ku dhe do të merret në pyetje. Sipas raportimeve paraprake në trupin e të ndjerës nuk ka shenja dhune.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

NJOFTIMI ZYRTAR I POLICISE

Rreth orës 11:20 njoftohemi se në lagjen “18 Shtatori” është gjetur e pajetë në banesë e saj shtetasia A. T., rreth 35 vjeç, e cila vuante nga probleme të shëndetit mendor.

Menjëherë në vendngjarje shkuan shërbimet e policisë dhe nga këqyrja paraprake e trupit nuk vihen re shenja dhune. Gjithashtu dyshohet se shtetasia A. T. ka ndërruar jetë prej disa ditësh, pasi trupi ka filluar pjesërisht të dekompozohet.

Grupi hetimor po punon për zbardhjen e rrethanave të ngjarjes.