Ç’duhet të dini për motin në qoftë se keni plane për këtë të diel

Sipas MeteoAlb, pjesa e parë ditës do të jetë në dominimin e kthjellimeve në të gjithë territorin. Në pjesën e dytë të ditës priten kalime të pakta vranësirash në zonat malore duke krijuar mundësi për reshje të karakterit lokal në skajin Verior.

Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 16°C deri në 38°C.

Era do të fryjë e lehtë dhe mesatare me shpejtësi 35 km/h nga drejtimi Jugperëndimor duke krijuar në det dallgëzim 4 ballë.