LIGJET E BIZNESIT
Gjatë konferencës që mbajti sot nga selia blu, kryetari i PD Lulzim Basha u vu në siklet nga pyetjet pikante të gazetarëve.
Ai u pyet ndër të tjera dhe për rastin Tom Doshi dhe Sali Berisha, të cilët u shpallën të dy “non-grata” në Amerikë.
Gazetarja i kujtoi se para zgjedhjeve, ai ka kërkuar që Tom Doshi të largohej nga politika sepse ishte shpallur “non grata” në SHBA. Në fakt kështu ndodhi, Tom Doshi u tërhoq. Lulzim Bashës iu kërkua të bënte dhe një koment për Sali Berishën, duke qenë se është në të njëjtën pozitë në të cilën ishte dikur Doshi.
“Kërkuat që Tom Doshi të largohej nga politika se ishte “non grata”, po për ish-kryeministrin Sali Berisha, do mbani të njëjtin qëndrim?”
Kreu i PD refuzoi të përgjigjej për këtë pyetje. “Ne jemi krenar për ligjin për dekriminalizimin. Ne detyruam mazhorancën në vitin 2014 të pranonte plagën e rëndë të kriminalizimit të politikës, duke futur deputetë me rekorde kriminale në Parlament, kryebashkiakë dhe drejtues të lartë politikë. Beteja jonë për dekriminalizimin do vazhdojë me të gjithë fuqinë”, tha Basha.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Kërkuat që Tom Doshi të largohej nga politika se ishte “non grata”, po për ish-kryeministrin Sali Berisha, do mbani të njëjtin qëndrim?”, instistoi për herë të dytë gazetarja.
Lulzim Basha: Nuk kam asnjë koment për këtë çështje, jashtë këtij raporti. Çdo shmangie nga raporti, nuk i shërben interesit publik.
