Arrestohet drejtori i policisë, ja tualeti superluksoz prej floriri që iu gjet në banesë (VIDEO)

Një drejtor policie në Rusi është arrestuar pasi mbi të rëndon akuza për korrupsion.

Por pasi ra në pranga, banesa e tij ka rënë pre e kontrolleve të policisë, ku brenda është gjetur një tualet i punuar me ar.

Ndërkohë agjencia federale ruse, SK, publikoi video të superluksit të gjetur gjatë bastisjes së vilës nga hetuesit rusë.

Në pranga ka rënë drejtuesi i policisë rrugore në rajonin Stavropol, Col Alexei Safonov së bashku me 6 persona të tjerë.

Kreu i policisë rrugore akuzohet se merrte rryshfet duke i dhënë leje false bizneseve, për të kaluar pa u kontrolluar në pika kufitare kamionë të tërë me grurë dhe material ndërtimi.

Autoritetet ruse thanë se kishin kryer 80 bastisje mes tyre dhe në banesën e kreut të policisë rrugore kishin sekuestruar edhe sasi të mëdha parash kesh si dhe makina luksi.

Komiteti investigativ, SK – (Agjencia federale ruse është një strukturë e ngjashme me FBI në SHBA – thotë se banda e Safonov merrte ryshfet që varionte në më shumë se 225 mijë dollarë, dhe kjo veprimtari është kryer për vite të tëra.

Nëse shpallet fajtor Safovon rrezikon 15 vite burg, ndërsa mes të arrestuarve është dhe paraardhësi i tij, Alexander Arzhanukhin.

Mediat ndërkombëtare shkruajnë se zbulimi i pazakontë i tualetit të punuar me ar në banesën e drejtorit të policisë ka tërhequr vëmendjen më shumë se vetë operacioni i bastisjes.