Abuzimi me tenderin e uniformave të Policisë, lihen në fuqi masat e arrestit për 9 zyrtarët

9 zyrtarët e arrestuar për abuzimin me tenderin e uniformave të Policisë do të qëndrojnë në burg.

Apeli i GJKKO ka lënë në fuqi masat e dhëna fillimisht.

Zyrtarët e arrestuar janë të përfshirë në tenderin për uniformat e Policisë me vlerë 25 milion euro. Të akuzuar janë ish-drejtoresha e Blerjeve të Përqendruara në Ministrinë e Brendshme bashkë me vartës të tjerë që dyshohet se kanë favorizuar në mënyrë të paligjshme kompaninë fituese.

VENDIMI NGA APELI I GJKKO

Gjykata e Posaçme e Apelit për Korrupsionin dhe Krimin e Organizuar,
Vendosi:
Miratimin e vendimit nr. 48, datë 07.07.2021 dhe vendimit nr. 56, datë 1.07.2021 të Gjykatës së Posaçme të Shkallës së Parë për Korrupsionin dhe Krimin e Organizuar për personat nën hetim EN, FÇ, AB, AO, K.H, KB, FD, MB, GM.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

ARREST ME BURG
Edlira Naqellari, ish-drejtoresha e Blerjeve të Përqëndruara në MPB

Flutura Çekrezi, zyrtare pranë Agjencisë së Blerjeve të Përqëndruara

Fatmir Demneri, anëtar i KVO

Mariglen Buzali, anëtar i KVO

Kreshnik Bejkaj, anëtar i KVO

Ani Omuri, anëtar i KVO.

Gëzim Mingaj, anëtar i KVO.

ARREST SHTEPIE

Anisa Bogdani, anëtar i KVO