LIGJET E BIZNESIT
Ditën e sotme Partia Demokratike ka zyrtarizuar fitoren e Lulzim Bashës në zgjedhjet për kryetar, të cilat u mbajtën dje.
Ishte Jemin Gjana, kryetar i Komisionit të Zgjedhjeve në këtë parti, i cili deklaroi se Basha mori 32.882 vota, me një diferencë më shumë se 20.000 vota ndaj ndjekësit më të afërt.
“Komisioni zgjedhor sapo ka përmbyllur përgatitjen dhe deklarimin e rezultatin zyrtar. Kemi administruar 76 kuti të 76 komisioneve të votimit në gjithë vendin. Në prani të komisionit janë hapur kutitë dhe janë regjistruar të dhënat e dokumentuara në procesverbale. Nga procesverbalet e administruara në kufi rezulton se në të gjitha rastet, komisionerët kanë firmosur, po ashtu kanë firmosur edhe përfaqësuesit e kandidateve në garë në të gjitha rastet kur kandidatët kanë pasur përfaqësim”, tha Gjana.
Bazuar në të dhënave zyrtare të 76 procesverbaleve, të drejtë vote kanë pasur 75 067 anëtarë të PD, nga të cilët 41 097 kanë votuar, sqaroi Gjana.
Ai tha se vota të pavlefshme rezultuan 413, ndërsa të vlefshme 40 684
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Të ndara sipas kandidatëve, Kadillin e votuan 781 anëtarë, Harxhi mori 983, Shehaj – 6038 dhe Basha 32 882.
“Bazuar në këto të dhëna komisioni zgjedhor i PD shpall zyrtarisht fitues të garës për kryetar të PD zotin Lulzim Basha”, përfundoi Gjana.
Kështu, Basha do vijojë të jetë në krye të Partisë Demokratike.
